Futbola
Gaur arratsaldean egingo da Txantxiku Txuriurdinak taldearen aurkezpen ofiziala
Ia bi denboraldi pasa dira Txantxiku Txuriurdinak taldeak lehen urratsak eman zituenetik. Baina lagunartea, gaur arratsaldean (18:30) aurkeztuko da ofizialki. Gaztelekuan egingo dute Oñatiko Real-zaleak batzen dituen taldearen agerraldia eta Iñigo Martinez peñako irudi eta lehen taldeko jokalaria, ekitaldian egongo da.
Herriko Real-zaleak biltzen dituen Txantiku Txuriurdinak lagunartearen aurkezpen ofiziala egingo da gaur arratsaldean, Iñigo Martinez Realeko jokalaria bertan dela. Gaztelekuan izango da aurkezpena, 18:30etan. Aforo mugatua dela eta, peñako kideek izango dute lehentasuna sartzeko eta hori baieztatzeko, bazkide txartela eramatea komenigarria dela diote. Frontoi aldeko atetik izango da sarrera eta peñako kamisetrarekin joateko deia ere egin dute antolatzaileek.
400 bazkide
Bi denboraldiotan 400 zalek eman dute izena lagunarte berrian. Oñatiko bazkideak ez ezik, Ondarroa, Valentzia eta Gasteizkoak ere badaude Txantxiku Txuriurdinak taldean.
Antolakuntza taldetik adierazi dutenez, gaurko ekitaldian talde donostiarreko bost jokalari izango dira. Iñigo Martinez bera eta beste bi kide gizonezkoen lehen taldetik eta beste bi emakumezkoenetik. Ekitaldia bi aurkezlek gidatuko dute eta hainbat oroigarri emango zaizkie jokalariei.
