Pasaden igandean gabonetako karate txapelketak jokatu ziren Hondarribiako Jostaldi polikiroldegian. Aloña Mendik karateka ugari eraman zituen urteko azken hitzordura eta Alazne Unzurrunzaga eta Karmele Egañak, domina bana eskuratu zituzten. Zilarrezko bat eta brontzezko beste bat.
Kata eta kumite modalitatean lortu zituzten aipaturiko oroigarriak. Alazne Unzurrunzagak zilarrezkoa eskuratu zuen, alebin mailan eta gerriko laranja/berdetik marroiarteko kategorian. Karmele Egañak berriz, brontzezkoa irabazi zuen infantil mailan, kumitean +50 kg. kategorian.
Aloña Mendiko karatekak sasoiko jarraitzen dute urte amaiera honetan ere.