Aloña Mendi igeriketa saileko benjamin eta alebin mailako neska-mutikoen txapelketa dela eta bihar, larunbata arratsaldez, itxita egongo da Zubikoako igerilekua. 15:00 hasita, Euskal ligako proba lehiatuko baita Oñatiko igerilekuan. Hori horrela, erabiltzaileek ezin izango dute instalazioa erabili arratsalde guztian zehar.
Oñati, Bergara, Legazpi, Azkoitia eta Eibarreko igerilariek hartuko dute parte txapelketan. Hala ere, goizean 13:30 arte eta igandean ohiko ordutegian (09:00-13:30) zabalik egongo dira erabiltzaileentzat, igerilekuko instalazioak. Era berean, aipatu igeriketa txapelketa egongo den arren, arratsaldetako igeriketa ikastaroak normaltasun osoz egingo dira.