Triatloia

Triatloia
2014-09-09 15:35:56
Sprint distantzian lortu zuen garaipena larunbatean
Mikel Ugarte Euskadiko txapeldun, 23 urtez azpikoetan

Zumaiako herriak, Euskadiko triatloi txapelketaren edizio berri bat hartu zuen larunbat arratsaldean. Zumaiako triatloi taldeak eta Euskadiko Triatloi Federazioak antolatutako txapelketa, sprint distantzian (750m.-20km-5km) lastertu zen. Lehenik 750 m. egin behar izan zituzten igerian, ondoren 20 km. bizikletan eta azkenik, beste 5 km korrika. Mikel Ugarte oñatiarra, bostgarren helmugaratu zen sailkapen orokorrean eta 23 urtez azpikoen artean, garailea izan zen.

 

Maila bikaina ari da ematen aurtengo triatloi eta akuatloi denboraldian, Mikel Ugarte oñatiarra. 23 urtez azpikoetan ez ezik, maila absolutoko triatleta onenen inguruan ibiltzeko gaitasuna duela erakusten ari baita hainbat lasterketetetan. Azken adibidea, Zumaian lehiatu zen Euskadiko sprint distantziako trixapelketan ikusi dugu.

 

Ugartek, lasterketa erregularra osatu zuen. Igeriketako partzialetik aurreko gizonekin kokatu eta lasterketa amaiera arte, iraun zuen probako lehen postuetan. Jon Unanue (59:44) zarauztarrarentzat izan zen garaipena gizonezkoetan. Emakumezkoetan, Estefania Gomez (1:09:52) izan zen Euskadiko txapelduna.

 

Mikel Ugarte, bostgarren postuan iritsi zen helmugara, garailearengandik minutu eskasera (1:00:43). 23 urtez azpikoen mailan, triatleta azkarrena izan zen eta horrenbestez Euskadiko txapela Oñatira ekarri zuen Ugartek. Sailkapen ofizialak [hemen].

Mikel Ugarte, artxiboko irudi batean.

iritziak

agenda

Bilera irekia
18.05.03
Pilota
Aloña Mendi taberna

iritzia

Uda honetan, baita ere, mugitu ala hil
Iñigo Murgiondo
2017-06-26
hileko bideoa

publizitatea

Facebook
Twitter
Tweets por el @OKMagazinea.