Pasaden larunbat honetan, Oñatiko duatloia ospatu da Oñatiko Triatloi Taldea, Gipuzkoako Triatloi Federazioa eta Euskadiko Triatloi Federazioaren eskutik. Beste edizioetan bezala, distantzia motzean (10km-40km-5km) lastertu da. Duatloi honen hogeitabigarren edizio hau 2013ko Euskal Herriko duatloi zirkuiturako zazpigarren proba puntuagarria izan da eta orokorrean balorazio positiboa egin dute antolakuntza taldekoek.
Irabazleak, Lourdes Oiartzabal (Antxintxika T.T.) gipuzkoarra 2:20:13ekin eta Felix Javier Martinez (A.D.T. Camargo) kantabriarra 1:53:55, izan dira.
Taldeka, K0 Triatloi Taldea talde gasteiztarra emakumezkoetan eta Triatlón Santander talde kantabriarra gizonezkoetan izan dira irabazle. Oñatiarren artean berriz, azkarrena Xabier Luis (Antxintxika T.T.) izan da, 2:01:48 denborarekin.
Sailkapen guztiak hemen.