Triatloia
Triatloi denboraldiari buruzko tertulia Oñati Irratian
Maiatzeko lehen asteburuan abian jarri zen 2013. urteko triatloi denboraldia. Bermeoko probak eman zion hasiera denboraldiari eta datozen hilabeteetan hainbat proba ezberdin ikusi ahal izango dira Euskal lurraldean zehar (egutegi guztia hemen). Pasa berri den asteburuan adibidez, sprint distantziako Euskadiko txapelketa jokatu da Deban. Bertan 8 oñatiar izan zirelarik.
Denboraldi hasiera honen harira, Oñati Triatloi taldeko hiru triatleta Oñati Irratiko kirol tarte nagusian izan ziren atzo arratsaldean. Denboraldiko helburuetaz hitz egiteaz gain, larunbat honetan jokatuko den Bilboko Triatloiko antolatzaileetako batekin hitz egiteko aukera ere izan zuten. Saioa amaitzeko, irailerako Orion antolatu den gazteentzako Triatloi udaleku berezi batzuen gaineko informazioa ere jaso zuten.
Hemen daukazue tertulia osoa entzungai:
